Almatyda qaterli isikke shaldyqqandar sany ósken
ALMATY. QazAqparat - Almatyda sońǵy alty jyl ishinde qaterli isikpen aýyratyndar sany shamamen 8 myń adamǵa artqan, dep habarlaıdy QazAqparat tilshisi.
Almaty qalalyq qoǵamdyq densaýlyq saqtaý basqarmasynyń málimetine qaraǵanda, sońǵy alty jylda Almaty onkologııalyq ortalyǵynda emdelgen naýqastardyń sany artyp, ósý dınamıkasy 71,6 %-dy quraǵan.
Eger 2017 jyly emdelgen naýqastar sany - 11 607 bolsa, 2022 jyly Ortalyqta 19 914 onkologııalyq naýqas emdeldi.
Jyl saıyn aýrýhanada jasalatyn ota sany orta eseppen 2500-ge jetedi.
«Operatsııalar operatsııaǵa deıingi jáne operatsııadan keıingi hımıoterapııany, ınklıýzıvti kórsetkishter boıynsha sáýlelik terapııany qoldaný arqyly júrgiziledi. Eń kúrdeli jáne jańashyl hırýrgııalyq aralasýlardyń kópshiligi bólim meńgerýshisi Nurlan Anarqululy Baltaevtyń jetekshiligimen 55 tósek-orynǵa eseptelgen onkohırýrgııa bólimshesinde jasalady. Onkohırýrgııa bólimshesinde jyl saıyn orta eseppen 1400 operatsııa jasalady, onyń ishinde az ınvazıvti operatsııalar operatsııalardyń jalpy kóleminiń shamamen 50%-yn quraıdy. Orta eseppen alǵanda, munda kúnine 5 aýqymdy hırýrgııalyq aralasý jasalady. Onkogınekologııa bóliminde hırýrgııalyq aralasýlardyń sany 400-ge deıin jetedi, onyń 60%-na jýyǵy az ınvazıvti, mammologııa bóliminde 500-den astam operatsııa jasalady», - dep habarlady vedomstvodan.
Ótken jyly Ortalyqta sondaı-aq 1084 onkologııalyq naýqasqa 18 890 sáýlelik terapııa seansy jasaldy. Patsıentterge KT jáne MRT, endoskopııalyq zertteýler, IGH jáne tsıtologııalyq zertteýler sııaqty 73 525 dıagnostıkalyq zertteý júrgizildi.
2022 jyly AOO onkologtary 148 730 konsýltatsııalyq qyzmet kórsetti, bul 2021 jylmen salystyrǵanda 7,9%-ǵa kóp (137 798 qyzmet).
