Almatyda qaterli isikke shaldyqqandar sany artqan
ALMATY. QazAqparat - Almatyda bıylǵy jyldyń alǵashqy tórt aıynda 6731 qaterli isikke shaldyqqan naýqas em aldy, bul ótken jyldyń sáıkes kezeńimen salystyrǵanda 676 adamǵa kóp. Bul týraly Almaty qalalyq qoǵamdyq densaýlyq saqtaý basqarmasynyń baspasóz qyzmeti milim etti, dep habarlaıyd QazAqparat tilshisi.
Basqarmanyń málimetinshe, qaterli isik aýrýlarynyń arasynda birinshi orynda - sút bezi obyry, ekinshi orynda - toq ishek obyry, úshinshi orynda - ókpe obyry, tórtinshi orynda - asqazan obyry tur.
«Osy jyldyń 1 toqsanynda Almaty onkologııalyq ortalyǵynda 578 hırýrgııalyq aralasý jasaldy, 4144 naýqas hımıoterapııalyq em aldy, onyń 74,2% kúndizgi statsıonarda (3074) emdeldi. Rentgenologııalyq bólimshede 272 onkologııalyq naýqasqa 4876 sáýlelik terapııa seansy jasaldy. Sondaı-aq, 3691 naýqas ambýlatorlyq hımıoterapııa kabınetinde em aldy», - delinedi vedomstvo habarlamasynda.
Sondaı-aq, qazirgi tańda qaterli nozologııaǵa kúdikti naýqastar men onkologııalyq aýrýlarǵa arnalǵan dıagnostıkalyq zertteýler sany óskenn.
«130 000-ǵa jýyq taldaý jasaldy, ótken jyly bul kórsetkish 97 612 boldy. Buǵan KT jáne MRT zertteýleri, endoskopııalyq jáne ýltradybystyq zertteýler, tsıtologııalyq jáne klınıkalyq dıagnostıkalyq zertteýler kiredi. Jalpy, Almaty onkologııalyq ortalyǵynda 40 myńǵa jýyq adam onkologtyń keńesin aldy. Búginde ortalyqta 29 953 onkologııalyq naýqas esepte tur», - dep habarlady qalalyq qoǵamdyq densaýlyq saqtaý basqarmasy.
