Almatyda qatań karantın rejımi 13 sáýirden keıin de saqtala ma
ALMATY. QazAqparat – Koronavırýs ınfektsııasynyń taralý qarqynyna baılanysty Almatyda qatań karantın rejımi13 sáýirden keıin de saqtala ma? Bul suraqqa qalalyq Taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaqasymova jaýap berdi, dep habarlaıdy QazAqparat tilshisi.
Onlaın brıfıng barysynda ol sońǵy ýaqytta qalada koronavırýs ınfektsııasyn juqtyrý jaǵdaılary sıregenin aıtty.
«Menińshe, karantındi áli toqtatqan joq. Shekteý sharttary áli de saqtaý kerek. Aýrý juqtyrý kórsetkishiniń azaıýy eń aldymen adamdardyń oqshaýlanýyna baılanysty bolyp otyr», - dedi A.Moldaqasymova.
Almatynyń bas sanıtarlyq dárigeri qala turǵyndaryna úıinen shyqpaýǵa keńes berdi
«Qalanyń qaýipsizdigi shekteý sharalaryn múltiksiz oryndaýǵa tikeleı baılanysty», - dedi ol.
Aıta ketý kerek, Almatyda karantın rejimi 19 naýryzdan bastap engizilgen bolatyn. 28 naýryzdan bastap karantın sharalary kúsheıtildi.
Al Qazaqstanda COVID-19 pandemııasyna baılanysty 16 naýryzdan 15 sáýirge deıin tótenshe jaǵdaı rejımi jarııalanǵan bolatyn.
