Almatyda «Qasymnyń ánderi-aı» atty jınaqtyń tusaýy kesildi

ALMATY. QazAqparat - QR Ulttyq kitaphanasynda «Qasymnyń ánderi-aı» jınaǵynyń tusaýy kesildi. Án-jınaq qazaq poezııasynyń kórnekti ókili, daýylpaz aqyn Qasym Amanjolovtyń týǵanyna 110 jyl tolýyna oraı jaryq kórdi, dep habarlaıdy QazAqparat tilshisi.

Sharaǵa belgili óner jáne qoǵam qaıratkerleri, zııaly qaýym ókilderi qatysty.

Aty ańyzǵa aınalǵan has talanttyń mereıtoıyna arnap shyǵarylǵan elektrondy taspaǵa buryn jáne jańa jazylǵan jıyrma tórt án engizilgen.

Shara aıasynda jınaqtyń demeýshisi Rymbala Omarbekova QR Ulttyq kitaphanasy óz rızashylyǵyn bildirip, kitaphana qoryna «Qasym taǵlymy», «Bir názik sáýle» jáne Qasym Amanjolov bıblıografııalyq kórsetkishin syıǵa tartty.

Bıyl Qasym Amanjolovtyń mereıtoıyna oraı elimiz boıynsha túrli is-sharalar ótti.

«Qasym Amanjolov – qazaq poezııasynda tóńkeris jasaǵan tulǵa. Adam janyna úńilý, onyń ishki ıirim, qaıyrymdaryna arnalǵan názik lırıkalary qazaq poezııasynda jańa baǵytty týǵyzýǵa áser etken alyp tulǵa», – dedi aqyn, Qazaqstannyń eńbek sińirgen qaıratkeri Júrsin Erman.