Almatyda Qasym han beınelengen mýral paıda boldy

ALMATY. QazAqparat - Qasym han beınelengen alyp kartına Qabdolov jáne Ótegen batyr kósheleriniń qılysynda ornalasqan Grand Park saýda kesheniniń qabyrǵasyna salyndy, dep habarlaıdy QazAqparat.

«Atalǵan mýral Sh.Aımanov atyndaǵy «Qazaqfılm» kınostýdııasynyń tapsyrysy boıynsha salyndy. Bul mádenı is-shara rejısser Aqan Sataevtyń «Uly dala tańy» fılminiń prokatqa shyǵýyna oraı uıymdastyrylǵanyn aıta ketý kerek. Mýraldy jas sýretshiler Karına Azımjanova men Gafýra Qaıyrbekova keskindedi. Olardyń aıtýyna qaraǵanda, Qasym hannyń beınesin salýǵa bir apta jáne 120 dana ballon boıaý ketken eken», - dep jazdy vedomstvodan.

Esterińizge sala ketsek, «Uly dala tańy» tarıhı fılmi 12 mamyrdan bastap ulttyq prokatqa shyǵady.