Almatyda «Qasqyrlardyń ádil soty» fılminiń tanystyrylymy ótedi
ALMATY. Qazannyń 9-y. QazAqparat /Erbol Azanbek/ - Qazannyń 21-i kúni Almatyda Vladımır Fatıanov pen Iraklıı Kvırıkadzeniń «Qasqyrlardyń ádil soty» atty mıstıkalyq dramasynyń tanystyrylymy ótedi.
Atalǵan fılm ótken ǵasyrdyń 40-ynshy jyldary Almatyda turyp, ómirdiń nebir qıyn-qystaý sátterin basynan keshken jasóspirim jaıly. Fılmde sondaı-aq 40-ynshy jyldardaǵy Almatynyń beınesin tuńǵysh ret kórýge múmkindik týmaq.
Vladımır Kýnınniń «Mıka men Alfred» romanynyń jelisi negizinde túsirilgen fılmdegi rólderdi Maıkl Iork, Danııl Strahov, ıÝrıı Belıaev, Bogýslav Lında, Marııa Shýkshına, Anton Makarskıı, Ekaterına Rednıkova, Igor Lıfanov, Natalıa Orynbasarova, Vladımır Tolokonnıkov, Sherhan Ábilov, Talǵat Temenov, Aldabek Shalbaev, Talǵat Bektursynov, Erjan Jarylqasynuly somdaǵan. Qazaqstan men Reseıdiń birlesken týyndysy buǵan deıin máskeýlik túrki óneri men kınosynyń «Prometeı» festıvalinde laýreat atanyp úlgergen bolatyn.
