Almatyda kásiporyn qyzmetkerleri quny 50 mln teńgeniń kabelin urlaǵan
ALMATY. QazAqparat - Almatyda kásiporynnan quny 50 mln teńgeniń kabelin urlaǵan 14 qyzmetker sottaldy, dep habarlaıdy QazAqparat tilshisi.
Kompanııa ókiliniń aıtýynsha, qala aýmaǵynda kabel urlaý úsh jyldan beri jalǵasyp kelgen. Jalpy materıaldyq shyǵyn – 50 mıllıon teńgeden asty.
Tergeý is-sharalarynyń nátıjesinde kásiporynnyń 14 qyzmetkeriniń urlyqqa qatysy bar ekeni anyqtaldy, olar kabelderdiń, tizbekterdiń jáne dabyl qorǵanysynyń ornalasqan jerin bile otyryp, 2021 jyldyń jeltoqsanynan 2022 jyldyń qańtar aıynyń sońyna deıin múlikti jymqyryp kelgen.
«Almaty polıtsııasynyń basshylyǵyna, Túriksib aýdandyq polıtsııa basqarmasynyń polıtsııa qyzmetkerleri, atap aıtqanda tergeýshi Ánýar Sháripovtiń, jedel ýákil Jasulan Asylhanovtyń jáne basqarma bastyǵynyń tergeý jónindegi orynbasary Aıdarbek Kerimbekovtyń kásibı jáne adamı qasıetteri úshin alǵys aıtam»,- dedi «Qazaqtelekom» AQ basqarma tóraǵasynyń ýákiletti ókili Sh.Razdyqov.
Aıtýynsha kúdiktiler QR QK-niń 188-baby 3-bóliginiń 1-tarmaǵyna (Urlyq, ıaǵnı aldyn ala sóz baılasý boıynsha adamdar tobynyń asa iri kólemde múlikti jymqyrýy) sáıkes qozǵalǵan qylmystyq is aıaqtaldy. Kináliler bas bostandyǵynan aıyryldy.
