Almatyda kásipqoı velosportshylardyń Ortalyq Azııa aımaǵyndaǵy tuńǵysh jarysy ótip jatyr
ALMATY. 6 qazan. QazAqparat - Almatyda kásipqoı veloshabandozdardyń «Almaty velotýry» ótip jatyr. Oǵan 11 qurlyqtyq, 4 ulttyq, 3 kásipqoı qurlyqtyq, 1 aımaqtyq, 1 klýbtyq komanda qatysýda.
«Elbasymyzdyń sportqa degen saıasatynyń arqasynda biz búgin qalamyzda birinshi ret kásibı velotýr ótkizip otyrmyz. Onyń bári elimizidń ósip-óngenin kórsetedi. Mundaı kásibı týrlar ár jerde ótkizilmeıdi. Bul Ortalyq Azııa óńirinde tuńǵysh ret uıymdastyrylyp otyrǵan shara. Sondyqtan bul birinshiden bizge qurmet, ekinshi jaǵynan úlken jaýapkershilik», - dedi qala ákimi Ahmetjan Esimov.
QR Dene shynyqtyrý jáne sport isteri agenttiginiń tóraǵasy Erlan Qojaǵapanovtyń aıtýynsha, 2020 jylǵa deıin sportpen aınalysýshylar úlesin 30 paıyzǵa jetkizý týraly tapsyrma bar. Almaty kásipqoı velosıped jarystaryn ótkizetin qalalar qataryna qosyldy. Endi osyndaı buqaralyq sport arqyly jańa sport juldyzdary shyǵatyn bolady.
