Almatyda kásipqoı bokstan halyqaralyq match ótedi
ALMATY. 3 qańtar. QazAqparat - Almatyda 25 qańtarda kásipqoı bokstan halyqaralyq match ótedi. Onda sýper-orta salmaqta Al-Hattab degen búrkenshik aty bar 24 jasar qaraǵandylyq Mıhaıl Krınıtsın 16-shy jekpe-jegin ótkizedi.
Buǵan deıin 11 kezdesýde jeńip (jeteýin nokaýtpen), 2 kezdesýde teń túsip, 2 kezdesýde jeńilis tapqan Mıhaıl alǵashqy jekpe-jegin 2007 jyly 15 jeltoqsanda Jambylda Bekzot Tolametovpen, al sońǵy kezdesýin 2012 jyly 5 mamyrda Temirlanda Oryntaı Kendekovpen ótkizgen bolatyn.
Jartylaı orta salmaqta astanalyq 18 jasar Roman Jaılaýov 7-shi kezdesýin ótkizedi. Buǵan deıin ol 6 ret jekpe jekke shyǵyp, onyń bárinde (tórteýin nokatýpen) jeńiske jetken bolatyn. 2012 jyly 18i jeltoqsanda Shymkentte 6 raýndyq kezdesýdiń 3-shi raýndynda Meıirbek Sabırovty nokaýtpen utty. Kásipqoı bokstaǵy alǵashqy kezdesýinde ol 2012 jyly 18 tamyzda Shymkentte Farıd Safıýlınmen ótkizip 4 raýndyq jekpe-jektiń 2-shi raýndynda qarsylasyn tehnıkalyq nokatpen jeńgen edi.
Jeńil salmaqta baq synaıtyn 25 jastaǵy kókshetaýlyq Ánýar Musaǵulov úshin bul 5-shi kezdesý bolmaq. 2009 jyldan beri kásipqoı boks rınginde óner kórsetip júrgen boksshy buǵan deıin 4 kezdesý ótkizip (bireýin nokaýtpen) bárin óz paıdasyna sheshken edi.
