Almatyda kásipkerlerge shaǵynbıýdjetti franshız úlgisinde franchaızıng negizderi úıretiledi
ALMATY. 18 tamyz. QazAqparat - Almatyda 21 tamyz kúni «Damý» kásipkerlikti damytý qory janyndaǵy Ulttyq franchaızıngti damytý ortalyǵy kásipkerlerge shaǵynbıýdjetti franshız úlgisinde franchaızıng negizderin úıretýge arnalǵan dáris ótkizedi.
Sondaı-aq «Teń quqyqtar jáne teń múmkindikter» klýby músheleriniń birinshi otyrysy bolady. Ol «Qazaqstan kásipkerleri úshin úzdik franshız tanystyrylymdary men franchaızıng boıynsha turaqty tegin dárister jáne franchaızerlermen kezdesý men taqyryptyq pikirtalas» dep atalatyn joba aıasynda uıymdastyrylyp otyr. Jobanyń basty maqsaty - kásipkerlerdiń kásibı ósýin qamtamasyz etý, jańa kásiporyndar men jumys oryndaryn qurý, úkimettik emes uıymdardyń qyzyǵýshylyǵyn biriktirý. Sonymen qatar klýb músheleriniń taýarlary men qyzmetin alǵa jyljytý, olardyń ózara tájirıbe almasýyna túrtki bolý.
