Almatyda kásipkerlerdi tonaǵandar ustaldy
TANA. 26 qazan. QazAqparat /Aıdar Ospanalıev/ - Almaty oblysynyń tártip saqshylary jedel - izdestirý sharalarynyń barysynda Jambyl aýdanynyń Uzynaǵash aýylynda 60 jasar kásipkerdi tonap ketken azamatty ustady.
Bul týraly búgin jýrnalıstermen bolǵan aptalyq brıfıngte Іshki ister mınıstrliginiń Til saıasaty jáne aqparat departamentiniń bastyǵy Nurdildá Oraz málim etti.
Onyń málimetterine qaraǵanda, aqpan aıynyń basynda betterine betperde kıgen 4 azamat kásipkerdiń úıine basyp kirip, úı ıesi men onyń kári sheshesine tapansha kezenip, quny 4,5 mıllıon teńgeni quraıtyn áshekeılik buıymdardy alyp ketken. «Іzdestirý sharalarynyń barysynda osy oqıǵaǵa qatysqan 4 azamattyń 3-ýi ustalyp, olar sot sheshimimen bas bostandyqtarynan aıyrylǵan. Al tórtinshi azamat, Almaty qalasynyń 28 jasar turǵyny ótken aptada Qapshaǵaı qalasynda qolǵa tústi»,-dedi departament bastyǵy.
Onyń keltirgen derekteri boıynsha, tap osy tektes oqıǵa Almatyda ótken
jyly oryn alǵan. Onda materıaldyq jaǵdaıynan jaqsy habary bar Almaty oblysynyń 27 jasar turǵyny 50 jastaǵy kásipkerdiń úıine basyp kirip, ony uryp-soǵyp quny 1,5 mıllıon teńge turatyn dúnıe-múlkin qoldy etken. Osy oqıǵaǵa qatysy bar degen azamat ustalyp, onyń eldegi ózge de qylmystarǵa qatystylyǵy tekserilýde.
