Almatyda kásipkerlerden aqsha bopsalaǵan ekologııalyq ınspektsııa «qyzmetkeri» ustaldy
ALMATY. QazAqparat - Almatyda ekologııalyq ınspektsııada is-tájirıbeden ótip júrgen azamat kásipkerlerden aqsha bopsalap kelgen. Bul týraly qalalyq Ekonomıkalyq qylmys pen sybaılas jemqorlyqqa qarsy kúres departamentiniń baspasóz qyzmetinen habarlaıdy.
Aǵymdaǵy jyldyń 8-qańtar kúni qalalyq qarjy polıtsııasyna plastıkalyq esikter shyǵarýmen aınalysatyn kásipkerden shaǵym túsken. Ol Medeý aýdandyq ekologııalyq ınspektsııasynyń qyzmetkerleri tarapynan qysym kórip kelgendigin baıandaǵan. Onyń aıtýynsha, quzyrly organ qyzmetkerleri kásipkerge jumysyn júrgizip berýge yqpal etkeni úshin odan aı saıyn 100 myń teńge kóleminde qarjy talap etken.
Qarjy polıtsııasynyń qyzmetkerleri atalǵan derek boıynsha kúdiktiniń sońyna túsip, ony 100 myń teńge kóleminde para alý sátinde qolǵa túsirdi.
Tergeý barysynda anyqtalǵandaı, J.Kenjealıev esimdi azamat Medeý aýdandyq ekologııalyq ınspektsııasynda synaqtan ótip júrgen stajer bolyp shyqty.
Qazirgi tańda Almaty qalalyq Qarjy polıtsııasy departamentiniń tergeý basqarmasymen kúdiktige qatysty alaıaqtyq jasady degen aıyp taǵylyp, QR QK 177-babynyń 1-tarmaǵy jáne 28-babynyń 4 tarmaǵy boıynsha qylmystyq is qozǵaldy.
