Almatyda kásipkerdiń balasyn urlap, aqsha bopsalaǵandar ustaldy
ASTANA. QazAqparat - Almaty qalasynda Polıtsııa departamentiniń krımınaldy polıtsııa qyzmetkerleri tórt adamnan turatyn qylmystyq topty ustady. Olarǵa kásipkerdiń qyzyn urlady degen kúdik keltirilýde, dep habarlaıdy QazAqparat tilshisi.
QR ІІM məlimetinshe, qylmys 14 qarashada qalanyń shaǵyn aýdandarynyń birinde jasalǵan. Qylmyskerler kólik júrgizýshisine elektroshokerdi qoldanyp, baılap tastap, avtokólik salonyndaǵy balany urlap ketedi. Biraz ýaqyttan keıin urlanǵan balanyń týystarynan jarty mıllıon AQSh dollaryn talap etedi.
«Jedel izdestirý sharalarynyń nátıjesinde polıtseıler kezekti táýlik ishinde qylmyskerlerdi ustady. Qazirgi ýaqytty tergeý organdarynyń qyzmetkerleri ustalǵan ár kúdiktiniń qylmysqa qatystylyq deńgeıin anyqtaýda. Balanyń densaýlyǵy men ómirine eshqandaı qaýip joq»,- dedi mınıstrlikten.
