Almatyda kásipkerdi óltirgen kúdiktiler 15 jyl túrmege kesilýi múmkin - ІІM
ASTANA. 27 naýryz. QazAqparat - Almatyda polıtsııa qyzmetkerleri balyq ónimderin satýmen aınalysatyn kásipkerge qaraqshylyq shabýyl jasaǵan 26 - 30 jas aralyǵyndaǵy Almaty qalasy men oblysynyń úsh turǵynyn qolǵa túsirdi.
Búgin ótken brıfıngte QR Іshki ister mınıstrliginiń resmı ókili Nurdildá Oraz málim etkendeı, 18 naýryz kúni tańǵy saǵat alty shamasynda qaskóıler 36 jastaǵy jábirlenýshini atys qarýymen jaraqattap, 1mln. 400 myń teńge salynǵan qol sómkesin alyp ketedi.
«Araǵa birneshe kún salyp kásipker alǵan jaraqattardan aýrýhanada kóz jumdy. Qazirgi tańda ustalǵan azamattardyń osyǵan uqsas basqa da qylmystarǵa qatystylyǵy teserilýde. Ustalǵandar qaraqshylyq shabýyl qylmysyn jasaǵany úshin dúnıe-múlikteri tárkilenip, 15 jylǵa deıin bas bostandyqtarynan aıyrylýy yqtımal», - dep málimdedi resmı ókil.
