Almatyda kásibin jańa bastaǵandardy qarjylandyrý máselesi qalaı sheshiledi
ALMATY. QazAqparat – «Damý» qory Almaty qalalyq fılıalynyń dırektory Svetlana Nazarıýk onlaın brıfıng barysynda kásipkerlikti qoldaýǵa arnalǵan memlekettik baǵdarlamalar týraly aıtty, dep habarlaıdy QazAqparat tilshisi.
Onyń aıtýynsha, jeke kásipkerlik sýbektilerin qoldaý maqsatynda Úkimet daǵdarysqa qarsy birqatar sharalar ázirledi. Bul – tótenshe jaǵdaı kezinde týyndaǵan qıyndyqtardy sheshýge kómektesedi.
«Bıznestiń jol kartasy – 2025 memlekettik baǵdarlamasyna engizilgen túzetýlerge saı, kásipkerler úshin nesıe mólsherlemesin 6% -ǵa deıin tómendetýge jáne sýbsıdııalaýǵa jatatyn nesıe kólemin 7 mlrd teńgege deıin ulǵaıtýǵa múmkindik berdi.Kásipkerler baǵdarlamaǵa salalar boıynsha shekteýsiz qatysa alady «, – dedi Svetlana Nazarıýk.
Sonymen qatar, ol bıylǵy jyldyń 9 aıynda jalpy somasy 18 886 mln teńgege 172 kepildik berilgenin atap ótti.
«Kásipker óziniń bıznes-jobasyn josparlaǵanda, qarjylandyrý máselesi týyndaıdy. Bul máseleni «Damý» kásipkerlikti damytý qorymen birgip sheshýge bolady. Bizdiń mamandar kásibin jańa bastaǵan kásipkerlerdiń jobasyn baǵdarlamaǵa sáıkes,qarjylandyrý boıynsha kómektesedi.Sonymen qatar, qarjylandyratyn uıymmen baılanys ornatýǵa yqpal etedi»,– dedi spıker.
