Almatyda qashyqtan oqytý sapasy talqylandy
Keńes jumysyna qalalyq bilim basqarmasynyń basshysy Lázzat Jylqybaeva, tsıfrlandyrý basqarmasynyń basshysy Baıan Qońyrbaev, Almaty qalasy taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Ásel Qalyqova jáne basqalar qatysty.
Keńes barysynda sanıtarlyq-epıdemııalyq qaýipsizdikti qamtamasyz etý turǵysynan mektep jumysyn taldaý nátıjesi qaraldy. Negizinen áleýmettik qashyqtyqty jáne maska rejımin saqtaý, týnnel, sanıtaızer, teplovızor, aıaq kıimge arnalǵan kilemshe, bakterıtsıdti sham sekildi dezınfektsııalyq quraldardyń jetkilikti mólsherimen qamtamasyz etý, baılanyssyz termometrııa júrgizý, dezınfektsııalaý jáne jeldetý júıesiniń jumysy kóterildi.
Keńeste qashyqtan bilim berý, bilim platformalaryn paıdalaný, ınternetke qosylý jyldamdyǵy, sondaı-aq muqtaj otbasynan shyqqan oqýshylar úshin tegin ınternet pakettiń kólemi máselelerin qaraýǵa erekshe nazar aýdaryldy.
Eske salaıyq, búginde Almatyda 271 myńnan astam oqýshyny qamtıtyn 207 memlekettik mektep jáne 16 myńnan astam oqýshyny qamtıtyn 63 jekemenshik mektep jumys isteıdi. Qalanyń 205 memlekettik mektebi oqý jylyn qashyqtan bastady.
«Kólsaı» jáne «Sulýsaı» shaǵynaýdandarynda ornalasqan eki mektepte oqýshylar sanynyń az bolýyna baılanysty oqý shtattyq rejımde júrip jatyr.
Sonymen qatar, 13 qyrkúıekten bastap 1-4 synyp oqýshylary úshin ata-analardyń ótinishi boıynsha qala mektepterinde kezekshi synyptar uıymdastyryldy.
Búgingi jaǵdaı boıynsha kezekshi top oqýshylary men muǵalimder arasynda koronavırýs ınfektsııasyn juqtyrý faktileri anyqtalǵan joq.