Almatyda qarjy polıtsııasynyń jalǵan qyzmetkeri ustaldy
ALMATY. Qańtardyń 26-sy. QazAqparat /Erbol Azanbek/ - Almatyda ózin qarjy polıtsııasynyń qyzmetkerimin dep tanystyryp, kásipkerlerden aqsha bopsalaǵan 46 jasar alaıaq qolǵa tústi,
dep habarlaıdy QazAqparat qalalyq ІІD-niń baspasóz qyzmetine silteme jasap.
Qańtardyń 25 kúni jalǵan polıtsııa qyzmetkeri Pıatnıtskıı kóshesinde ornalasqan tigin tsehynyń basshylaryna ózin qarjy polıtsııasynyń qyzmetkerimin dep tanystyryp, tekserý júrgizetinin eskertedi. Ol artynsha 3 myń dollar berse tekseristiń bolmaıtynyn aıtady. Buǵan kelisken mekeme dırektory 1 myń dollar bergen. Artynsha onyń qyzmettik kýáligin talap etken. Buny estigen jalǵan «polıtsııa qyzmetkeri» qashýǵa árekettengen. Birneshe mınýttardan soń alaıaq polıtsııanyń qolyna tústi. Tekserý barysynda onyń 1964 jyly týǵan Nurlan esimdi qala turǵyny ekeni anyqtalǵan. Alaıaq óz áreketin júzege asyrý úshin «BMV» markaly kóligin jalǵa alyp, naǵyz qarjy polıtsııasynyń qyzmetkeriniń keıpin jasaýǵa tyrysqan. Qazirgi kezde qalada osyǵan uqsas 3 qylmystyń tirkelgeni anyqtalǵan. Qarjy polıtsııasy ókilderiniń aıtýynsha, ustalǵan kúdiktiniń bet álpeti, qylmys jobalary aldyńǵy qylmystarǵa uqsas. Qazirgi kezde tekserý júrgizilýde. Kúdiktiniń ústinen QR QK-niń 177-shi «Alaıaqtyq» baby boıynsha qylmystyq is qozǵaldy.
