Almatyda qarjy polıtsııasy organdarynyń spartakıadasy ótti
ALMATY. QazAqparat - Búgin Almatyda Qarjy polıtsııasy organdarynyń qurylǵanyna 20 jyl tolýy qarsańynda spartakıada ótti. Munda qalalyq qarjy polıtsııasynyń qyzmetkerleri arqan tartý, estafeta, qol kúrestirý, kir tasyn kóterý jáne basqa da sporttyq jarystar boıynsha saıysqa tústi.
«Ásirese «400x100» estafetasy boıynsha jarys asa qyzyqty ótti. Munda jarys jolyna segiz basqarmanyń qyzmetkerleri shyqqan bolatyn. Bul jerde jedel áreket etý basqarmasynyń qyzmetkerleri aldaryna jan salmady. Ekinshi orynda - ekonomıkalyq qylmystardy tergeý basqarmasy. Al úshinshi oryn sybaılas jemqorlyqtyń aldyn alý basqarmasynyń enshisinde ketti. Sonymen qatar 16 keli kir tasyn kóterýden birinshi oryndy bólim bastyǵy Aleksandr Satov jeńip aldy. Ol kir tasyn 57 ret kóterdi. Endi jeńimpazdar aldaǵy 6 maýsym kúni Almatyda bolatyn qarjy polıtsııasy organdarynyń 20 jyldyǵyna arnalǵan saltanatty jıynda marapattalady» - dedi Almaty qalalyq qarjy polıtsııasy baspasóz qyzmetiniń jetekshisi Jaqsylyq Jaqybaev.
Búgingi spartakıadaǵa tek tek qarjy polıtsııasynyń qyzmetkerleri ǵana emes, sonymen qatar olardyń otbasylary da qatysty. Olardyń arasynda doppen oınalatyn ár túrli oıyndar men vıktorınalar uıymdastyryldy. Jeńimpazdarǵa syı-syıapattar kórsetildi.
