Almatyda qarjy pıramıdasynan 28 adam japa shekti
ALMATY. QazAqparat – Almatyda qarjy pıramıdasynan 28 adam zardap shekti, dep habarlaıdy QazAqpart tilshisi.
Almaty qalalyq polıtsııa departamentiniń málimetinshe, R.Turǵanov 2017 jyldyń jeltoqsan aıynda «LIDER» saýda markasymen «RID inc» JShS-yn ádilet organyna tirkegen. Kompanııa basshysy salynǵan somanyń 30 paıyzyn aı saıynǵy dıvıdendterdi tóleımin degen syltaýymen salymshylardyń qarajatyn ıemdengen (28 jábirlenýshi anyqtaldy).
«Sotqa deıingi tergeý barysynda kúdiktige 2019 jyldyń jeltoqsan aıynda izdeý jarııalanyp, qamaýǵa alý túrindegi bultartpaý sharasy qoldanyldy. Qarjylyq pıramıdadan zardap shekkender týraly kóp aıtylyp jatsa da, adamdar aqshalaryn alaıaqtardyń qolyna óz erkimen berýdi jalǵastyrýda»,– dep habarlaıdy qalalyq PD.
Búgingi kúni «RID inc» JShS basshysy R.T Turǵanovqa qatysty QRQK 195–babynyń 4–bóliginiń 2–tarmaǵy boıynsha qylmystyq is qozǵaldy.
Qalalyq polıtsııa zardap shekkenderdi Bostandyq aýdandyq polıtsııa basqarmasyna habarlasýyn suraıdy.
