Almatyda qarjy pıramıdasyna qatysy bar taǵy bir kúdikti ustaldy

ALMATY. QazAqparat – Polıtseıler qarjy pıramıdasy isine qatysy bar taǵy bir adamdy ustady, dep habarlaıdy QazAqparat tilshisi.

QR QK 217-baby 3-bólimi 2-tarmaǵyna sáıkes sotqa deıingi tergeýdiń biryńǵaı tiziliminde tirkelgen qarjy pıramıdasyn qurý jáne basqarý boıynsha «ASTEX.KZ» JShS, «ACD technology» JShS, «MUDARABAH CAPITAL» JShS jáne «MUSHARAKAH CAPITAL» JShS qyzmetkerlerine qatysty qylmystyq isti tergeý sheńberinde Almaty qalasynyń polıtsııasy «ACD Tehnology» negizin qalaýshy, 50 jastaǵy M. esimdi azamatty ustady.

«Basty tulǵa – K. esimdi azamat ustaldy jáne qamaýǵa alyndy. Keıinirek taǵy eki kúdikti – R. esimdi azamatsha men M. esimdi azamat ýaqytsha ustaý ızolıatoryna qamaldy. Qylmystyq ispen Almaty qalasy polıtsııa departamenti tergeý basqarmasynyń tergeýshileri aınalysyp jatyr», – dedi Almaty qalalyq polıtsııa departamenti bastyǵynyń orynbasary Rústem Ábdrahmanov.

Joǵaryda atalǵan JShS qyzmetkerleriniń qylmystyq áreketinen zardap shekken azamattar myna telefondar arqyly habarlasa alady: 8 777 025 65 86 jáne 8 701 624 28 24,