Almatyda qarjy pıramıdasyn uıymdastyrýshylarǵa qatysty qylmystyq is qozǵaldy
Vedomstvonyń Almaty qalasy boıynsha aýmaqtyq departamenti isti qylmystyq isti tergep-tekserip jatyr.
«Qarjylyq barlaý málimetteri boıynsha, qarjy pıramıdasyn uıymdastyrýshylar azamattarǵa World trend Strategies, Confidence World Group, HUBB international, Riviera imperial, Asteco jáne t.b. úlestes kompanııalardyń ınvestıtsııalyq jobalaryna aqshalaı qarajat salýdy usynǵan. Bul úlestes kompanııalar zańdy qyzmetten emes, jańa salymshylardyń qarajaty esebinen syıaqy alýǵa kepildik berip otyrǵan», delingen habarlamada.
Sotqa deıingi tergep-tekserý qarjy pıramıdasyn uıymdastyrýshylar shetelde júrip, qazaqstandyqtarmen beınebaılanys arqyly onlaın kezdesý ótkizetini, onda jańa klıentterdi tartý múmkindigi, sondaı-aq olardyń zańdy qyzmeti týraly jalǵan aqparat taratatynyn anyqtaǵan.
Agenttiktiń málimdeýinshe, tergeý múddesine oraı ózge aqparattar jarııalanbaıdy.
Agenttik azamattarǵa abaı bolýdy jáne óz jınaqtaryn kúmándi qarjy uıymdaryna salmaýdy, sondaı-aq WBC uıymdastyrýshylarynyń jalǵan aqparatyna senbeýdi eskertedi.
«World Business Consulting» qyzmetine tap bolǵandar, Almaty qalasy ETD telefonyna habarlasy kerek +7 775 923 40 90, +7 708 192 28 18. Basqa qalalardyń turǵyndary agenttiktiń aýmaqtyq Ekonomıkalyq tergep-tekserý departamentterine júginýine bolady.