Almatyda qarjy pıramıdasyn uıymdastyrýshylar 5-7 jylǵa sottaldy
NUR-SULTAN. QazAqparat - Almatyda «World Business Consulting» qarjylyq pıramıdasyn qurý jáne basqarý faktisi boıynsha sotqa deıingi tergeý aıaqtaldy, dep habarlaıdy Qarjylyq monıtorıng agenttiginiń baspasóz qyzmeti.
Bul qarjy pıramıdasyn uıymdastyrýshylar azamattarǵa enshiles kompanııalardyń ınvestıtsııalyq jobalaryna qarajat salýdy usynǵan. Bul kompanııalar syıaqyny alýǵa kepildik bergen.
2018-2021 jyldary WBC qarjylyq pıramıdasyna jalpy somasy 5,8 mlrd teńge tartyldy. Sotqa deıingi tergep-tekserý barysynda jalpy somasy 4,1 mlrd teńgeniń múlki tárkilendi.
Sot úkimimen qarjy pıramıdasynyń jetekshileri kináli dep tanylyp, 5 jyldan 6,8 jylǵa deıin bas bostandyǵynan aıyrý jazasyna kesildi.
Sonymen qatar, pıramıdalyq shemasynyń taǵy bes uıymdastyrýshysy halyqaralyq izdeýge jarııalandy.
