Almatyda qarýlanǵan qylmysker júr
ALMATY. 26 shilde. QazAqparat - Almatyda qarýlanǵan qylmysker júr, dep habarlaıdy qalanyń ІІD baspaóz qyzmetinen.
24 shilde kúni polıtseıge oq atqan er adam áli ustalǵan joq. Sońǵy ret ony Raıymbek jáne Súıinbaı kósheleriniń qıylysynda kórgen. Oqıǵany kózimen kórgenderdiń aıtýynsha, ol «Mereı» saýda úıiniń qasyndaǵy aıaldamada №79 avtobýstan shyqqan.
Qazirgi ýaqytta Jetisý ІІB polıtseıleri saýda úıinde jedel izdeý sharalaryn júrgizip jatyr. Qylmysker ol jerge kıim alý úshin barǵan degen boljam bar.
Eske sala ketsek, 24 shilde kúni qylmys jasaǵan er adam kók djınsy shalbar kıgen, beline deıin jalańash bolǵan.
Atysty bastamas buryn kúdikti jekemenshik úıdi tonap úlgergen. Úıdiń ıesi bul týraly dál sol kúni polıtseıge habar bergen. Qylmysker onyń 5 myń AQSh dollar aqshasyn, 385 myń teńge turatyn altyn alqasyn jáne «Osa» markaly travmatıkalyq tapanshasyn urlap ketken.
