Almatyda qarýlanǵan er adam balabaqshaǵa kirmekke árekettengen
ALMATY. QazAqparat – Almatyda belgisiz er adam tapanshamen balabaqsha aýmaǵyna kirmekshi boldy, dep habarlaıdy QazAparat tilshisi.
Almatyda qolynda tapanshasy bar er adam balabaqsha aýmaǵyna kirmekshi boldy. Onyń vıdeosy áleýmettik jelide tarady.
«Belgisiz er adam balabaqsha aýmaǵyna kúzetshini tapanshamen qorqytyp kirmek bolǵan. Mektepke deıingi mekemeniń kúzetshisi polıtsııa jasaǵyn shaqyrdy»,- deıdi beınejazba avtory.
Oqıǵa Naýryzbaı aýdanynyń kottedj qalashyǵynda ornalasqan «Ashamaı-2» balababaqshasynda boldy.
Almaty qalalyq Polıtsııa departamentiniń málimetinshe, atalǵan fakt Naýryzbaı aýdandyq polıtsııa basqarmasynda tirkeldi.
«Qazirgi ýaqytta tekserý júrgizilýde, onyń ishinde qarýǵa menshik quqyǵy bar joǵy anyqtalady. Sodan keıin zańǵa sáıkes sharalar qoldanylatyn bolady»,- dep habarlady polıtsııadan.
