Almatyda «Qarý» jedel aldyn alý is-sharasynyń kezekti kezeńi bastaldy

Qarashanyń 25-ne deıin jalǵasatyn sharanyń basty maqsaty - jedel ahýaldy saýyqtyrý, atys qarýy jáne jarylǵysh zattar men jarylǵysh qondyrǵylardy qoldaný arqyly jasalynatyn qylmystardy ashý, zańsyz saqtalynǵan (ishki ister organdarynda tirkelmegen) qarýlar men oq-dárilerdi anyqtaý jáne tárkileý. Ereje boıynsha, «Qarý» jedel-aldyn alý is-sharasy kezinde polıtseıler tirkelgen qarý ıeleriniń barlyǵyn, arnaıy dúkender men kúzet fırmalaryn tekseretin bolady.

«Bul kúnderi aýyr qylmystardy jasaýda qarý qoldanatyn qylmyskerler men esepte turǵan buzaqylardy baqylaý kúsheıtiledi»,-deıdi qalalyq ІІD Qoǵamdyq qaýipsizdik basqarmasynyń lıtsenzııalyq-ruqsat berý júıesi bóliminiń bastyǵy, polıtsııa podpolkovnıgi Erlan Meımanqulov. Onyń aıtýynsha, óz erkimen qarýlaryn tapsyrǵan azamattar qylmystyq jaýapkershilikten bosatylady.

Shara kezinde kúsheıtilgen qyzmet túrimen qatar, almatylyq polıtsııanyń syrtqy qyzmeti de jumyldyryldy. Patrýldik, ýchaskelik, jol polıtseıleri qarý men jarylǵysh zattardy saqtaýǵa baılanysty barlyq kúdikti adamdardy tekseretin bolady.