Almatyda qarý-jaraq jáne jarylǵysh zattar saqtady dep seziktelgen 5 kúdikti adam qamaldy (FOTO)
ALMATY. QazAqparat - Almatyda qarý-jaraq saqtady dep seziktelgen 5 er adam qamaldy. Bul týraly qalalyq ІІD habarlady.
Olardyń ekeýi Almaty turǵyny bolsa, qalǵan ekeýi Almaty oblysynyń, bireýi Pavlodar oblysynyń týmasy.
Olardyń ishinde eki adam buryn buzaqylyq, zorlyq, esirtki satqany úshin qylmystyq jaýapkershilikke tartylǵan.
Qazirgi tańda Almaty polıtsııasy qaladaǵy tynyshtyqty saqtaý sharalaryn barynsha kúsheıtip jatyr.
Aıta ketý kerek, búgin Almatyda polıtsııa «Respýblıka» jáne «Astana» alańdaryndaǵy káriz qudyǵyna jasyrylǵan jarylǵysh suıyqtyq quıylǵan quty, ondaǵan armatýra jáne biltemir, benzın quıylǵan kanıstr.
Jedel ýákilder Almaly jáne Medeý aýdandaryndaǵy eki páterdi tintý barysynla birneshe Makarov pen TT tapanshasyn, 4 RGD-5 granatasyn, sondaı-aq, 5 mln teńge kóleminde qarjy tapty.
Kúdikti retinde 5 adam ustaldy.
Qazirgi tańda osyǵan baılanysty sotqa deıingi tergeý bastaldy.
