Almatyda qarý-jaraq satyp alý naýqany júrip jatyr
ALMATY. QazAqparat – Almaty polıtsııasy turǵyndardan zańsyz qarý-jaraqty satyp alý naýqanyn bastady, dep habarlaıdy QazAqparat tilshisi.
«25 sáýirden bastap el aýmaǵynda zańsyz saqtalǵan atys qarýy, oq-dáriler men jarylǵysh zattardy halyqtan satyp alý júrgizilip jatyr. Bul shara qoǵamdyq qaýipsizdikti qamtamasyz etý, atys qarýy men jarylǵysh zattardy qoldaný arqyly jasalatyn qylmys pen quqyq buzýshylyqtyń aldyn alý maqsatynda jasalady. Aýdandyq polıtsııa basqarmalarynda azamattardyń óz erkimen tapsyrǵan atys qarýy, oq-dáriler men jarylǵysh zattardyń tehnıkalyq jaǵdaıyn anyqtaý, tólemdi belgileý nemese aqshalaı syıaqy tóleýden bas tartý úshin komıssııalar quryldy», - dedi Almaty qalalyq PD Ákimshilik polıtsııa basqarmasynyń bastyǵy, polıtsııa polkovnıgi Nurlan Amanbek.
Polıtsııa departamenti eskertkendeı, ishki ister organdarynda tirkelmegen kez kelgen qarý - zańsyz bolyp sanalady jáne tapsyrylýy tıis.
«Kez kelgen myltyq, atys qarýy, tegis uńǵyly, travmatıkalyq qarý aýmaqtyq polıtsııa basarmasyna tapsyrylýy kerek. Qarý qabyldanǵan kezde, qylmysqa qatysy bar-joǵyn tekserý úshin krımınalısterge jiberiledi», - delinedi Almaty qalalyq polıtsııa departamenti habarlamasynda.
Eske salaıyq, Almatyda qańtar oqıǵasynda qarý-jaraq dúkenin tonaǵan kúdikti ustaldy.
Sondaı-aq, Almatyda keńse ǵımaratynyń janynan jaryq shýyldy granata tabylǵanyn jazǵanbyz.
