Almatyda qarý-jaraq dúkeninen myltyq urlaǵan qylmyskerler ustaldy
Qalalyq krımınaldyq polıtsııanyń málimetine sáıkes, Almatyda «Kamerad» qarý-jaraq dúkenin tonaǵan úsh adam ustaldy. Olardan bes myltyq tárkilendi.
Almaty qalalyq polıtsııa departamenti bastyǵynyń orynbasary Berik Ábilbekovtiń aıtýynsha, eki kúdikti – Almaty oblysynyń, taǵy bireýi Jambyl oblysynyń turǵyny. Ol buryn tonaý boıynsha da sotty bolǵan eken. Olardyń jasy 22-24 arasynda.
«Almaty oblysy, Qarasaı aýdany aýmaǵynda arnaıy is-shara barysynda eki kúdikti ustalsa, taǵy bir aıyptalýshy Almatydaǵy Dostyq dańǵylyndaǵy saýda úıinde tutqyndaldy. Olar qamaýǵa alyndy. Ustalǵandardyń basqa da zańsyz áreketterge, sonyń ishinde qańtardaǵy jappaı tártipsizdikterge qatysy bar-joǵy tekserilip jatyr», – dedi Berik Ábilbekov.
Tárkilengen qarý sot-ballıstıkalyq saraptamaǵa jiberildi.
