Almatyda qarý-jaraq dúkenin tonaýǵa qatysqandar mán-jaıdy aıtyp berdi
Almaty qalalyq polıtsııa departamentiniń málimetinshe, «Kamerad» qarý-jaraq dúkenin tonaǵan úsh adam ustaldy. Olardan bes myltyq tárkilendi.
«Eki kúdikti Almaty oblysynyń, taǵy bireýi Jambyl oblysynyń turǵyny. Olardyń bireýi buryn tonaý boıynsha sotty bolǵan. Olar 22-24 jasta. Kúdiktiler qamaýǵa alyndy. Ustalǵandardyń basqa da zańsyz áreketterge, sonyń ishinde qańtardaǵy jappaı tártipsizdikterge qatysy bar-joǵy tekserilip jatyr», – dedi Almaty qalalyq polıtsııa departamenti bastyǵynyń orynbasary Berik Ábilbekov.
Tergeý barysynda, ustalǵandar bir aýyzdan qarý-jaraq dúkenin belgisiz adamdardyń buıryǵymen tonaǵandaryn aıtty.
«Bir beıtanys jigit kóligime otyryp, Shalıapın men Saın kóshelerine barýymdy buıyrdy. Men bardym. Dúkendi tonaǵanan keıin ol adam joǵalyp ketti. Onyń kim jáne qazir qaıda ekenin bilmeımin», – dedi ustalǵan kúdikti.
«Biz kóp boldyq. Urlanǵan qarýdy men tyǵyp qoıdym», – dedi kezekti ustalǵan kúdikti.
Anyqtalǵandaı, ustalǵandardyń úsheýiniń de turaqty jumysy joq.
