Almatyda qarý-jaraq dúkenin tonaýǵa qatysqan 18 jastaǵy jigit ustaldy

ALMATY. QazAqparat - Almatyda polıtsııa qyzmetkerleri qarý-jaraq dúkenin tonaýǵa qatysqan kúdiktini ustady, dep habarlaıdy QazAqparat tilshisi.

Almaty komendatýrasynyń málimetinshe, qıratý, tonaý kezinde urlanǵan qarýdy Almaty oblysynyń 18 jastaǵy turǵyny arnaıy qoımada jasyrǵan.

Kúdiktini Naýryzbaı aýdanynyń polıtsııa qyzmetkerleri ustady.

Jaýap alý kezinde er adam qarý satatyn dúkenderdi tonaýǵa qatysqanyn moıyndady.

Onyń urlanǵan myltyqtardy karerlerdegi qoımada saqtaǵany anyqtaldy.

Kúdiktiniń buryn bótenniń múlkin urlaǵany úshin qylmystyq jaýapqa tartylǵany belgili boldy.

Qazirgi ýaqytta onyń qaladaǵy tártipsizdikter kezinde basqa da qylmystyq is-áreketterge qatystylyǵyn anyqtaý, sondaı-aq, zańsyz saqtalǵan basqa da qarý-jaraqtardy tárkileý boıynsha jedel is-sharalar kesheni júrgizilýde.