Almatyda qarý-jaraq dúkenin tonaǵan taǵy úsh kúdikti ustaldy
Polıtsııa departamentiniń málimetinshe, Almatyda qarý-jaraq dúkenderin tonaýǵa qatysýshylardy ustaý boıynsha eki arnaıy is-shara júrgizildi.
Nátıjesinde úsh kúdikti qamaýǵa alyndy.
Urlanǵan qarýdyń bir bóligi «Dostyq» shaǵyn aýdanyndaǵy úılerdiń birinde, al ekinshisi – Almaty oblysy, Qarasaı aýdany aýmaǵyndaǵy Jambyl eldi mekenindegi úılerdiń birinen tabyldy jáne tárkilendi.
«Eki kúdikti 25 jasta, bireýi 27-de. 5 qańtarǵa qaraǵan túni olar «Kamerad» ańshylyq dúkenin tonap ketken. Jas jigitter urlanǵan zattardy úıdiń jertólesine tyǵyp, ústine qum basyp ketken. Ártúrli markadaǵy tórt tegis uńǵyly myltyq, avtomat, 720 patron, bes ańshylyq pyshaq, arbalet, optıkalyq kózdeýish jáne oq-dári tárkilendi jáne qylmystyq is materıaldaryna tirkeldi. Kúdiktiler kinásin moıyndap, dúkenge qalaı kirgenderin aıtyp berdi», – dedi Almaty qalalyq polıtsııa departamenti bastyǵynyń orynbasary Berik Ábilbekov.
Tergeýshiler «úshtiktiń» osyǵan uqsas qylmystarǵa qatysy bar-joǵyn anyqtaýda.
Qylmystyq is QR QK-niń 291-baby 3-bóligi (Qarýdy, oq-dárilerdi, jarylǵysh zattardy urlaý) boıynsha tergelip jatyr.
Bul baptyń sanktsııasynda bes jyldan on eki jylǵa deıingi merzimge bas bostandyǵynan aıyrý kózdelgen.
