Almatyda qarý-jaraq dúkenin tonady degen kúdikpen er adam ustaldy
ALMATY. QazAqparat – Almatyda qańtar oqıǵasy kezinde qarý-jaraq dúkeninen qarý-jaraq pen oq-dárilerdi urlaǵan kúdikti ustaldy, dep habarlaıdy QazAqparat tilshisi.
Almaty qalalyq polıtsııa departamentiniń baspasóz qyzmeti habarlaǵandaı, Almatyda Qalambaev kóshesindegi úılerdiń biriniń janynda eki myltyq pen patron salatyn qalta kómilgen bolyp shyqty.
«Almatyda aǵymdaǵy jyldyń qańtar aıynyń 5-nen 6-na qaraǵan túni qarý-jaraq dúkeninen qarý urlaǵan azamat ustaldy. Ol 1994 jyly týǵan S. esimdi azamat bolyp shyqty. Ol krımınaldyq polıtsııa qyzmetkerleriniń jedel izdestirý is-sharalary barysynda qolǵa tústi. Aıǵaq zat retinde turǵyn úı mańyna kómilgen qarý-jaraq pen oq-dári tárkilendi. Atap aıtqanda, «Remington» myltyǵy, «Benelli» tegis uńǵyly myltyǵy, eki patron salatyn qalta men segiz patron tárkilendi. Kúdikti kinásin moıyndap, qylmysty qalaı jasaǵanyn aıtyp berdi. Qylmystyq is tergelýde», - dedi Almaly aýdandyq polıtsııa basqarmasynyń bastyǵy, polıtsııa polkovnıgi Esen Ysqaqov.
Eske salaıyq, buǵan deıin ІІM ókili qańtar qyrǵynynda urlanǵan 1 386 qarý-jaraqtyń tabylǵanyn habarlaǵan bolatyn.
