Almatyda qarttar kúnine oraı sporttyq sharalar ótip jatyr
ALMATY. QazAqparat – Búgin Almaly aýdanynyń ortalyq saıabaǵynda qarttar kúnine arnalǵan is-shara aıasynda sporttyq is-sharalar ótip jatyr. Atap aıtqanda, ıoga, skandınavııalyq júris, fıtnes bıler, aıkýne, dep habarlaıdy QazAqparat tilshisi.
Almaly aýdany ákimdiginen málim etkendeı, bul is-sharanyń maqsaty - egde jastaǵy turǵyndardyń densaýlyǵyn nyǵaıtý, belsendi áleýmettik ómirge tartý. Oǵan Almaly aýdanynyń 50-ge jýyq aǵa býyn ókilderi qatysýda.
Al taza aýadaǵy sporttyq sharalar Gandı atyndaǵy saıabaqta, Sosnovyı, Prokofev atyndaǵy jaıaý júrginshiler aımaǵynda ótedi. Sonymen qatar, aýdannyń qurmetti azamattarynyń qatysýymen aǵash otyrǵyzý uıymdastyrylady.
