Almatyda qarttar kúnine oraı merekelik as berildi
Y. Qazannyń 1-i. QazAqparat /Názıra Eleýhan/ - Búgin Almatyda da Qarttar kúni atalyp ótýde. Atalmysh merekege oraı búgin «Nur Otan» HDP-synyń qalalyq bólimshesi zeınetkerler men elimizdiń qart azamattaryn qurmetteýge arnalǵan aılyq jarııalap, merekelik as berdi.
Qala meıramhanalarynyń birinde ótken merekelik asqa 70-ten asa zeınetker men Uly Otan soǵysynyń ardagerleri keldi. «Nur Otan» HDP-synyń qalalyq bólimshesiniń ókilderi jınalǵan qaýymdy quttyqtap, zor densaýlyq tiledi. Olarǵa arnaıy daıyndalǵan merekelik kontserttik baǵdarlama tartý etildi.
Patrıottyqqa tárbıeleý, qart adamdar men Uly Otan soǵysynyń ardagerlerin syılaý - bul Qazaqstannyń memlekettik saıasatyn iske asyrýdaǵy mańyzdy suraqtardyń biri. Búginde bul sanattaǵy adamdar memlekettiń basty nazarynda. Elimizde jasy ulǵaıǵan adamdar men zeınetkerlerdi qoldaýǵa baǵyttalǵan birneshe baǵdarlamalar iske asýda. Jyl saıyn Uly Otan soǵysynyń ardagerlerine, múgedek jandarǵa, eńbek ardagerlerine respýblıkalyq bıýdjetten arnaıy járdemaqy berilip turady. «Nur Otan» HDP qart adamdarǵa óziniń qoldaýy men materıaldyq kómegin da kórsetip otyrady.
