Almatyda Qarttar aılyǵy aıasynda qaıyrymdylyq kontsert bolyp ótti
ALMATY. Qazannyń 15-i. QazAqparat /Názıra Eleýhan/ - Búgin Almatyda Qarttar aılyǵy aıasynda A.V. Seleznev atyndaǵy Almaty horeografııalyq ýchılışesinde qaıyrymdylyq kontsert bolyp ótti.
Oǵan Almaly aýdanynda turatyn 400-den asa qart adamdar shaqyryldy. Kontsertte A.V. Seleznev atyndaǵy Almaty horeografııalyq ýchılışesiniń talantty ónerpazdary óner kórsetti.
"Búgingi sharany ótkizýdegi maqsatymyz - aýdan turǵyndaryna, qart adamdarǵa bizdiń oqý ordamyzdyń jas ónerpazdarynyń ónerlerimen tanystyrý, olarǵa kóterińki kóńil syılaý, qurmet kórsetý bolyp tabylady. Bıyl tuńǵysh ret uıymdastyrylǵan sharany dástúrge aınaldyrýdy josparlap otyrmyz", - dedi A.V. Seleznev atyndaǵy Almaty horeografııalyq ýchılışesiniń dırektory, Qazaqstannyń eńbek sińirgen qaıratkeri, dotsent Qarlyǵash Myrzahanova.
«Jas balet juldyzdarynyń ónerlerin tamashalap, úlken rýhanı lázzat aldyq. Ýchılışe basshylyǵyna, oqytýshylar ujymyna, tárbıeshilerdiń eren eńbekterine alǵys aıtqym keledi. Oqý orynnyń jas óner sheberlerine álem sahnalarynan kórinip, elimizdiń balet ónerin damyta berýlerine tilektespiz", - dedi Almaly aýdanynyń turǵyny, zeınetker Baqyt Omarova.
