Almatyda kartop arzandaıdy

ALMATY. QazAqparat – Almaty qalalyq Kásipkerlik jáne ınvestıtsııalar basqarmasy megapolıste kartoptyń quny jaqyn arada tómendeıtinin málim etti, dep habarlaıdy QazAqparat tilshisi.

Almaty qalasy Kásipkerlik jáne ınvestıtsııalar basqarmasynyń málimetinshe, qazirgi ýaqytta kartoptyń baǵasy sharyqtaý shegine jetti, ol jaqyn arada tómendeıdi.

«Jyl saıyn, maýsymaralyq kezeńde byltyrǵy kókónistiń kólemi men sapasynyń tómendeýine jáne bıylǵy ónimdi jetkizýge baılanysty kartoptyń qysqa merzimdi jetispeýshiligi baıqalady. Aldaǵy 2 aptada Túrkistan oblysynan kartop jetkiziledi. Bul baǵanyń tómendeýine oń áser etedi. Bir keli kartop 150 teńgege deıin tómendeıdi», - dep túsindirdi basqarmadaǵylar.

Almaty qalasy jylyna shamamen 200 myń tonna kartop tutynady.

Megapolıske kartop Pavlodar, Almaty, Qaraǵandy jáne basqa oblystardan jetkiziledi.