Almatyda qart kisini soqqyǵa jyqqan jasóspirim ustaldy
ALMATY. QazAqparat - Almatyda 16 jasar jasóspirim qart adamdy judyryqtyń astyna aldy, dep habarlaıdy QazAqparat tilshisi.
Onyń vıdeosy jelide tarap jatyr.
Almaty qalalyq polıtsııa departamenti atalǵan derek Qylmystyq kodekstiń 293-baby boıynsha Bostandyq aýdandyq polıtsııa basqarmasyna qarasty polıtsııa bóliminde tirkelip, tergeý júrip jatqanyn habarlady.
«Osy qylmysty jasady degen kúdikpen kámeletke tolmaǵan 2007 jyly týǵan J. esimdi azamat ustaldy. Oqıǵanyń basqa da mán-jaıy anyqtalý ústinde. Tıisti saraptamalar taǵaıyndaldy»,- dep habarady vedomstvodan.
