Almatyda qarsy jolaqpen júrgen kólik júrgizýshisi jazalanady
ALMATY. QazAqparat - Almatyda qarsy jolaqpen júrgen kólik júrgizýshisi jazalanady, dep habarlaıdy QazAqparat tilshisi.
Áleýmettik jelilerde qarsy jolaqqa shyqqan júrgizýshiniń vıdeosy paıda boldy.
Qalalyq Polıtsııa departamentiniń málimetinshe, jol erejesin qasaqana buzǵan er adam anyqtaldy. Ol 58 jastaǵy Almaty turǵyny.
«Quqyq buzýshynyń zańsyz áreketteri áleýmettik jelilerde tarady. «Hyundai Santa Fe» kóligin basqarǵan er adamnyń kim ekeni anyqtaldy. Ol - 1963 jyly týǵan A. esimdi azamat. Jol erejesin buzǵan kólik júrgizýshisi QR ÁqbK 601-babynyń 1-tarmaǵy jáne 596-babynyń 2-bólimi boıynsha jazaǵa tartylady. Tıisti ákimshilik materıaldar jınaldy», - dedi Almaty qalasy PD basshysynyń orynbasary Rýstam Ábdirahmanov.
