Almatyda káriz sýy ózenge aqqan - ekologtar
ALMATY. QazAqparat – Almaty ekologtary Medeý aýdanyndaǵy Terisbulaq ózeniniń lastanýyna baılanysty tekserý júrgizdi, dep habarlaıdy QazAqparat tilshisi.
9 qazanda Ekologııa departamentiniń ınspektorlary men «Almaty Sý» MKK mamandary Medeý aýdanyndaǵy Terisbulaq ózeniniń lastanýyna baılanysty keshendi tekserý júrgizdi.
«Tekserý barysynda nómiri 66 jáne 68 úıler arasynda káriz qudyǵynan las sý Terisbulaq ózenine aǵatyny anyqtaldy. Bul derek boıynsha Ekologııa departamenti «Almaty sý» MKK qatysty jospardan tys tekserýdi bastady», - dedi departamentten.
Qazir qosymsha tekserý júrgizilip jatyr, onyń nátıjesi keıinirek jarııalanatyn bolady.
