Almatyda káriz qaqpaqtaryn urlaǵandar ustaldy
ALMATY. QazAqparat – Almatyda káriz ben aryq jelisiniń shoıyn qaqpaqtaryn urlaǵan eki adam ustaldy, dep habarlaıdy QazAqparat tilshisi.
Qalalyq polıtsııa departamentiniń baspasóz qyzmeti habarlaǵandaı, Toraıǵyrov kóshesinde tóselgen aryq jelisiniń tory men káriz qaqpaǵyn alyp ketken. Kúdiktilerdi polıtsııa izin sýytpaı tapqan.
«28 jáne 30 jastaǵy eki er adam múlikterdi metall ótkizetin jerge satpaq bolǵan. Olar buryn da osy tektes qylmys jasaǵyn úshin isti bolǵan. Qazir olarǵa qatysty QR QK 188-baby boıynsha qylmystyq is qozǵaldy. Kúdiktiler ýaqytsha oqshaýlaý ornyna qamaldy», - dedi Bostandyq aýdany polıtsııa basqarmasynyń basshysy Dáýren Ótebaev.
