Almatyda káriz qaqpaǵyn urlaǵan adam vıdeokameraǵa túsip qaldy

ALMATY. QazAqparat – Almatyda 34 jastaǵy M. esimdi er adam káriz qudyǵynyń qaqpaǵyn urlap jatqanda beınekameraǵa túsip qalǵan, dep habarlaıdy QazAqparat tilshisi.

Polıtsııaǵa turǵyn úı kesheni aýmaǵynda káriz qaqpaǵynyń urlanǵany týraly habarlama túsken soń jedel is-sharalar bastalady.

«Qaskóı turǵyn úı kesheniniń aýmaǵyna kýrer retinde kólikpen kirgeni anyqtaldy. Kenet onyń qylmystyq nıeti paıda boldy. Kýágerlerdiń joqtyǵyn paıdalanyp, er adam káriz qudyǵynyń shoıyn qaqpaǵyn alyp, ony kólikke tıep, qashyp ketedi. Biraq, kúdikti onyń barlyq áreketi beınebaqylaý kamerasyna túsip qalǵanyn eskermedi», – dedi Almaly aýdandyq polıtsııa basqarmasynyń bastyǵy Esen Ysqaqov.

Jaýap alý barysynda M. esimdi azamat óz áreketin moıyndap, oljany satýdy josparlaǵanyn aıtty.

Óıtkeni, ol birneshe kún buryn kýrer bolyp jumysqa ornalasqan jáne oǵan aqsha shuǵyl qajet bolǵan.

Atalǵan fakti boıynsha QR QK-niń 188-baby 1-bóligine sáıkes qylmystyq is tergelip jatyr.

Káriz qaqpaǵy burynǵy ornyna qaıta qoıyldy.