Almatyda karıkatýrashylar baıqaýy ótedi
ALMATY. 25 tamyz. QazAqparat - Almatyda «Seniń tańdaýyń» qozǵalysy «Bári Zań boıynsha» dep atalatyn karıkatýrashylar baıqaýyn jarııalady.
Onda úzdik shyqqan on jumys keıin Arbatta qala turǵyndary men qonaqtarynyń nazaryna usynylady. Sondaı-aq jeńimpaz 50 myń teńge kóleminde syıaqyǵa ıe bolady. Baıqaýǵa qatysýshylardyń jasy men kásibine shektreý qoıylmaıdy. Úmitkerlerden ótinishter qabyldaý 1-30 qyrkúıek aralyǵynda ótedi. Onyń kólemi A3 ólsheminen aspaýy kerek jáne TIFF nemese PDF formattarynda, 300 dpi.(pxl) talabyna saı bolýy qajet. Zańdardyń oryndalýy jáne qoǵam taqyrybyndaǵy barlyq jumystardy tvoi-vybor@mail.ru , info@tvoi-vybor.kz elektrondyq poshtalaryna nemese Almaty qalasy, ál-Farabı dańǵyly, 53 v, blok «j», 48-keńsege poshtamen jiberýge bolady. Tolyq aqparatty https://tvoi-vybor.kz/ saıtynan alýǵa bolady.
