Almatyda Qarǵaly ózeniniń tasý qaýpi týyndady
ALMATY. QazAqparat - Almatyda Naýryzbaı jáne Alataý aýdandary arqyly aǵyp jatqan Qarǵaly ózenindegi kópir astyna muz jınalyp qaldy. Bul jeke úıler men Raıymbek dańǵylyn sý basý qaýpine ákeldi, dep habarlaıdy QazAqparat tilshisi.
Almaty qalalyq qutqarý qyzmetiniń málimetinshe, kópir qurylymdaryndaǵy muz keptelisi aýa temperatýrasynyń jylynýyna baılanysty paıda bolǵan.
«Almaty qalasynyń qutqarý qyzmeti úsh kún boıy sý tasý qaýpin joıýmen aınalysyp jatyr. Bul jumystarǵa arnaıy alty tehnıka men jeke quramnyń 10 adamy jumyldyryldy. Tabıǵı qubylys saldarynan ártúli jaǵdaı týyndaıdy. Sondyqtan barlyq ózender mamandar men qala ákimdiginiń erekshe baqylaýynda bolady «, - dep habarlady vedomstvadan.
