Almatyda Qarǵaly ózeniniń arnasyn jańǵyrtý bastaldy
Jandosov kóshesinen plotınaǵa deıingi jańǵyrtýǵa jatatyn uzyndyǵy 7,7 shaqyrymdyq ýchaskede temir-beton qurastyrmalaryn quıý bastaldy.
«Jańǵyrtý jobasyn jasaýda halyqaralyq ozyq tájirıbe eskerildi. Qazirgi kezde arna keńeıtilip, tereńdetildi, 75 000 sharshy metr balshyq massasynyń 35 000 sharshy metri tasylyp áketildi, 7 kópir bólshekteldi», dep habarlady Naýryzbaı aýdanynyń ákimi Saıran Saıfedenov.
Merdiger-kompanııa qazirdiń ózinde negizgi jumystarǵa kiristi, oǵan 72 maman jáne 29 birlik tehnıka jumyldyryldy, beton quıý jumystary júrgizilip jatyr.
«Jobaǵa sáıkes plotına arqyly sý eki shlıýzben ótedi de eki arnaǵa bólinedi jáne tómenge qaraı qaıtadan bir arnaǵa birigedi. Arnanyń ózine 30 santımetrlik temir-beton qabyrǵa turǵyzyldy, sondaı-aq sý tasqynyn tejeıtin sarqyramalyq sý qulamasy kózdelgen. Sondaı-aq ózenniń ańǵaryn, túbin tazartý úshin arnaıy tehnıka júretin tehnıkalyq jol qarastyrylǵan», - dedi «ACD Group» JShS kompanııasynyń basqarýshysy Seıtqalı Dúısebaev.
Sonymen qatar onyń aıtýynsha, merdiger-kompanııa ózen jaǵalaýyn abattandyrý jumystaryn da júrgizedi.
Óz kezeginde megapolıs basshysy jaýapty adamdardyń jumys sapasyna jáne jobany der kezinde tapsyrýyna basa kóńil bóldi.
