Almatyda qardy ýaqytynda tazalamaǵan 300 adamǵa aıyppul salyndy
ALMATY. QazAqparat - Almatydaǵy Bostandyq aýdanynda qardy ýaqytynda tazalamaǵan 300 adamǵa aıyppul salyndy, dep habarlaıdy QazAqparat tilshisi qalalyq ІІD baspasóz qyzmetine silteme jasap.
Qarasha aıynda qalyń jaýǵan qardan Almatydaǵy jaıaýjoldar, aýla ishindegi joldar, turǵyn úı kireberisterine aparatyn joldarmen júrýde eleýli qıyndyqtar týyndady. Osyǵan baılanysty qala ákiminiń ókimimen, jergilikti atqarý organdaryna aýlalardy ýaqytymen qardan tazartyp turý týraly mindet júkteldi. Bostandyq aýdany ІІB jergilikti polıtsııa bóliminiń tabıǵatty qorǵaý polıtsııasy 20-25 qarasha kúnderi «Taza qala» jedel-aldyn alý sharalary aıasynda júrgizilgen reıdik tekserýlerin qorytyndylady.
Quqyq buzýshylarǵa QR ÁQBK 505-baby - «Qalany abattandyrý erejelerin buzý» boıynsha hattama toltyryldy, al keıbirine atalǵan baptyń ekishi bóligi boıynsha hattama jasaldy, ıaǵnı olar bir jylda ekinshi ret ákimshilik quqyq buzýshylyqqa jol berip otyr.
«Reıdik tekserý kezinde shaǵyn kásipkerlik nemese kommertsııalyq emes uıym sýbektilerine 28 hattama, jeke tulǵalarǵa 245 hattama toltyryldy. Sondaı-aq, azamattarǵa eskertýler berildi. Joǵaryda kórsetilgen baptyń sanktsııasyna sáıkes, jeke tulǵalarǵa salynǵan aıyppul kólemi - 20 AEK, shaǵyn kásipkerlik nemese kommertsııalyq emes uıym sýbektilerine - 30 AEK», - dedi Bostandyq aýdany ІІB jergilikti polıtsııa bóliminiń basshysy, polıtsııa polkovnıgi Aıtjan Álmuhanbetov.
