Almatyda kardıologııalyq ortalyq janyndaǵy órt: Bir adamnyń máıiti tabyldy
ALMATY. QazAqparat – Almatyda qalalyq kardıologııalyq ortalyq aýmaǵynda ornalasqan ǵımarat órtendi. Órt saldarynan jarylys shyǵyp, bir adam mert boldy, dep habarlaıdy QazAqparat tilshisi.
«Mekeme ókilderi órt sóndirýshilerge ottegi taratý pýnktiniń bir qyzmetkeri (tehnık) evakýatsııalanǵan adamdardyń arasynda joq ekenin aıtty. Olardyń aıtýynsha, jarylys kezinde tehnık jumys ornynda bolǵan. Órt sóndirýmen qatar órt sóndirýshiler qaza bolǵan 1988 jyly týǵan adamdy izdedi. Onyń denesi jarylǵan ballonyń janynan tabyldy», - dep habarlady qalalyq TJD baspasóz qyzmeti.
Eske salaıyq, búgin qalalyq kardıologııalyq ortalyqtyń aýmaǵynda ornalasqan ǵımarat otqa orandy. Ottegi taratý pýktinde jarylys boldy. Qyzyl jalyn saǵat 15: 47-de oqshaýlanyp, saǵat 16: 07-de tolyqtaı sóndirildi. Órt 280 sharshy metrdi sharpydy.
