Almatyda qarajatty qolma-qol aqshaǵa aýdarǵan top sottaldy
Almaty qalasy boıynsha qarjylyq monıtorıng agenttiginiń aýmaqtyq departamenti materıaldyq syıaqy alý úshin jalǵan shot-faktýralar men bastapqy býhgalterlik qujattardy shyǵarýmen aınalysqan Bolat Q., Qystaýbaev Ý. basqarǵan 7 adamnan turatyn qylmystyq topqa jáne basqa da tulǵalarǵa qatysty sotqa deıingi tergep-tekserýdi aıaqtady.
Tergeý barysynda atalǵan tulǵalardyń ózderiniń baqylaýyndaǵy 4 kommertsııalyq kompanııa arqyly qyzmetter kórsetý jáne taýarlardy jóneltý, jumystardy naqty oryndamaı jalǵan shot-faktýralardy shyǵaryp salyq tóleýden jaltaryný, 2018-2020 jyldar aralyǵynda jalpy somasy 3 mlrd. teńgeni quraǵan kommertsııalyq uıymdarǵa jumystar jasaǵan.
Aıyptalýshylardyń turǵylyqty jeri boıynsha tintý júrgizý barysynda mórler, bank kartalary, kompıýterler, noýtbýkter, buryn qolma-qol alynǵan 7 mln.teńge aqshasy, sondaı-aq, salmaǵy 849 gr bolatyn tyıym salynǵan «marıhýana» esirtki zattaryn ósirý faktisi anyqtaldy.
Sot úkimimen aıyptalýshylar QR QK-niń 216-babynyń 3-bóligi (is júzinde jumystar oryndalmaı, qyzmetter kórsetilmeı jáne taýar tıep-jóneltilmeı shot-faktýra jazý boıynsha is-áreketter jasaý) boıynsha kináli dep tanylyp, 3 jyldan 4,8 jylǵa deıin ártúrli merzimge bas bostandyǵynan aıyrýǵa sottalǵan.
Tyıym salynǵan esirtki zattardy tabý faktisi boıynsha sotqa deıingi tergeý Almaty qalasynyń PD tergeýligi boıynsha berildi.