Almatyda karate-dodan halyqaralyq týrnır ótedi
ALMATY. 9 maýsym. QazAqparat - Búgin Almatydaǵy Balýan sholaq atyndaǵy sport saraıynda karate-dodan (WKF ) ІІ «KAZAKHSTAN OPEN - 2012» halyqaralyq týrnıri ótedi.
Ony QR Sport jáne dene shynyqtyrý agenttigi, Almaty qalasynyń jáne Almaly aýdanynyń ákimdikteri, Respýblıkalyq jáne qalalyq karate-do federatsııalary birlesip uıymdastyryp otyr. Bıyl ekinish ret ótetin baıraqty jarysqa Japonııa, Túrkııa, Sıngapýr jáne birqatar jaqyn shet elderden sportshylar keldi. Onyń qurmetti meımandarynyń arasynda Japonııanyń karate-do federatsııasynyń tóraǵasy Kýrıhara, Japonııanyń shıto-rıý krate-do federatsııasynyń tehnıkalyq dırektory Nozava bar.
2011 jyly Qazaq jerinde alǵash ret uıymdastyrylǵan bul halyqaralyq týrnırge Qytaı, Vetnam, Túrkııa, Reseı, Grýzııa, Qyrǵyzstan, Ózbekstan men Tájikstannyń karateshileri kelgen bolatyn. Onda Azııa karate-do federatsııasynyń prezıdenti Chang, Bas hatshy Vang pen Tóreshiler alqasynyń tóraǵasy Lım qonaq bolyp qatysqan edi. 2010 jyly Gýanjoýda ótken HV Azııa oıyndarynda Darhan Asadilov pen Rınat Saǵyndyqov altyn, al Halıd Halıdov qola júldemen oralǵan edi. Qazaqstandyq karateshilerden mundaı joǵary sporttyq nátıjege qol jetkizýi QR Sport jáne dene shynyqtyrý agenttigi men QR Karate-do federatsııasynyń dástúrli túrde jyl saıyn halyqaralyq týrnır ótkizý týraly sheshim qabyldaýyna túrtki bolǵan bolatyn.
