Almatyda qarashanyń sońyna qaraı kún jylynady
ALMATY. QazAqparat - Almatyda jaýyn-shashyn toqtap, qarasha aıynyń sońyna deıin kún jyly bolady. Bul týraly «QazAqparat» tilshisine «Kazgıdromet» RMK-nen habarlady. Sınoptıkterdiń boljaýynsha, keshe Almatyda mol túsken ylǵal ońtústik Kaspıı tsıklonynyń kelýimen baılanysty.
«Ońtústik Kaspıı tsıklonynyń kelýimen Qazaqstannyn ońtústik-shyǵysynda jaýyn-shashyn tústi. Soltústikten kelgen sýyq aýa massasynyń yqpalymen jańbyr sońy qarǵa aınaldy. Búgin kún bultty bolady, biraq jaýyn-shashynsyz. Aýa temperatýrasy túnde -8, -13, kúndiz -3, -8-ge deıin sýytady», dedi «Kazgıdromet» RMK kezekshi mamany.
Onyń aıtýynsha, 30 qarashaǵa qaraı aýa raıy birte-birte jylyna bastaıdy.
«Aptanyń sońyna qaraı aýa raıyn antıtsıklon qalyptastyrady. ıAǵnı, aýa temperatýrasy túnde -8, -13-den -3, -8-ge deıin tússe, kúndiz -3, -8-den +2 gradýsqa deıin kóteriledi. Biraq túnde tuman basyp, kóktaıǵaq bolady»,-dedi ol.
