Almatyda qarashada 36 adam koronavırýstan qaıtys boldy

ALMATY. QazAqparat – Almatyda qarasha aıynda koronavırýstan 36 adam kóz jumdy. Bul týraly búgin qalalyq Qoǵamdyq densaýlyq saqtaý basqarmasy basshysynyń mindetin atqarýshy Janar Madeeva onlaın brıfıng barysynda aıtty, dep habarlaıdy QazAqparat tilshisi.

«Osy aıda koronavırýs juqtyrǵan 36 naýqas kóz jumdy. Olardyń ishinde 10 adam 65 jasqa deıin bolsa, 25 naýqas 65 jastan asqan azamattar. Osy naýqastardyń 8-i ǵana emhanaǵa aýrýdyń 7-táýliginde kelgen. Qalǵan 28-i 10 kúnnen asqanda keldi. 19 naýqas úıde týystarynyń aıtýymen emdelgen. Olardyń barlyǵynda qosarly sozylmaly dıagnozdary bolǵan. Asa aýyr halde jatqan naýqastardyń jasy 57 men 83 jas aralyǵynda», - dedi Janna Madeeva.

Onyń aıtýynsha, qalada kúnine 40 adamnan sımptomsyz koronavırýs tabylady.

«Al ınfektsııalyq statsıonarlarda 257 adam, onyń ishinde 15 bala emdelip jatyr. Olardyń 20-sy asa aýyr halde, 65 adam aýyr halde, 230 adamnyń jaǵdaıy ortasha dárejede. Jansaqtaý bóliminde 29 patsıent jatyr. Ókpeni jasandy jeldetý apparatyna 3 adam qosylǵan», - dedi Janna Madeeva.

Búginde zerthanalyq taldaýmen rastalǵan 442 adam úıinde oqshaýlanǵan.

Pandemııa bastalǵaly beri Almatyda 15 876 adamnan koronavırýs tabyldy. Onyń ishinde 14 740 adam jazylyp shyqty, 323 adam qaıtys boldy.